"Festak badu bere garrantzia", esan du Aitor Zuriarrain ganaduzaleak, Amasako Lizarra baserrikoak. "Modu honetan, kaleko jendeari erakustaldia hau egitea, eta azken finean, mendia denona dela adieraziz, denok bizi behar dugu ahal dugun modu egokienean". Izan ere, Amasa-Villabonako ganaduzaleek beharrezkotzat dituzte Amasamendiko larreak. "Nire kasuan, etxeko larre inguruak oso murritzak ditugu, eta ganadu kopurua mantentzeko honen beharra dugu", esan du Zuriarrainek. "Egoera nahiko kritikoa dugu, pentsua-eta garesti dagoelako, eta mendiko larreei esker nahiko bideratu ahal dugu. Behar- beharrezkoak ditugu larreak".
Herriko hamar bat ganaduzalek larreratzen dituzte abereak. 240 hektarea larre daude, Komizar, Bildotseta, Onddolar, Belabieta eta Loatzo eremuetan zehar. Aurten 125 behi, 40 behor inguru, 800 ardi inguru eta 40 bat ahuntz izango dira larreetan.