Aurten ere, Amasa-Villabonako Udalak uztailean udaleku irekiak antolatuko ditu HH2 eta LH4 urte bitarteko haurrentzat. Bertan begirale moduan jardun nahi dutenek apirilaren 25era arte daukate izena emateko aukera.
Derrigorrezkoa bi baldintza bete behar dira: 18 urte izatea (edo 2022 urtean betetzea) eta euskara ondo menperatzea. Izena emateko aurkeztu beharreko dokumentazioa honakoa da: NANaren kopia bat; curriculuma eta Ikasketa Ziurtagiriak; eta aisialdirako begirale edo zuzendari titulua, izanez gero.
Dokumentazioa Villabonako Udaleko Herritarren Arreta Zerbitzuan (behe solairuan) aurkeztu beharko da 09:00etatik 14:00etara edo zerbitzu telematikoak erabilita: erregistro elektronikoa. Argibide gehiagorako gazteria@villabona.eus helbidera idatzi edo 691 366 502 telefono zenbakira deitu daiteke.