Partida bihar jokatuko da, hilak 12, Oiartzungo Madalensoro pilotalekuan, 18:00etan hasita. Behar Zanakoen aurkaria Zubieta 3 bikotea izango da, Josu eta Joseba Aizpuruak osatua.
Trinketeko 1. mailara igoera partida
Bihar ere, 12:15ean, Irurako trinketean Iñaki Lizaso eta Iker Aburuzak Hernaniko Cisneros-Labaka bikotearen aurka jokatuko dute eskuz binaka nagusi mailako promozioko partida. Irabazten duenak 2022-2023 denboraldian 1. mailan izango du taldea.
Bestetik, Villabonan, lau partidako jaialdia izango da gaur. Orotara, larunbateko Berdel Pilota Festako partidak, eskolartekoak, Aiztondoko txapelketakoak, Iparraldeko txapelketakoak eta ofizialak kontutan hartuta, Behar Zanako pilotariek 42 partida jokatuko dituzte.