Oria merkatari elkarteak antolatu du ekimena eta saltokiek euren produktuak aterako dituzte kalera, ostiralean egun osoz, eta larunbatean goizez.
Martxoaren 4an, goizean eta arratsaldean, eta martxoaren 5ean goizean stock azoka egingo dute Villabonan, Oria merkatarien elkarteak antolatuta. Guztira, 16 saltokik parte hartuko dute neguko beherapenen azken txanpa honetan, saltokietako produktuak kalera aterako dituzte.
Merkatari elkartetik aurreratu dutenez, ostiral arratsaldean, Inkansables txaranga arituko da herrian zehar kaleak alaituz, eta larunbat goizean, berriz, Lasa Ahizpak trikitilariak izango dira Villabonan.
Ez diogu hau kapritxo hutsagatik: lagundu iezaguzu. Eduki hau guztia doan ikusten duzu ez dugulako irudikatzen euskarazko hitzik gabeko Tolosalderik. Atarikide, iragarle eta erakunde askoren laguntzarik gabe ezinezkoa litzateke. Zenbat eta komunitate handiagoa sortu, orduan eta sendoagoa izango da ATARIA: zurekin, zuekin. Ez utzi biharko gaur egin dezakezuna: egin zaitez Atarikide!