Onddo Gazte Asanbladak jostailu bilketa egin du azkeneko aste hauetan herrian haurrik gera ez dadin jostailu gabe. Bilketa arrakatsua izan dela esan dute asanbladako kideek.
Amasa-Villabonako Elkartasun Sarearen eskuetan utzi dituzte jostailuak eta hauek arduratuko dira herrian banaketa egiteaz. Udaleko Gizarte Zerbitzuetako zinegotzi Arantxa Lopezek argitu duenez, egunotan, elikagaien banaketa egingo dute herrian beharra duten familien artean. Oheak, telebistak, bizikletak eta arropak ere jaso dituzte azkeneko asteetan. "Ekonomia zirkularra bultzatzeko modu bat da. Bestela zakarretan bukatuko luketen horiei bigarren erabilpen bat ematen diegu", esan du Lopezek.
