Gipuzkoako Foru Aldundiaren mendi sailak Oinddolar inguruan dagoen haritz amerikarren landaketan soiltze lanak egin ditu aurtengo udazkenean. Amasa-Villabonako Udalak bertan geratu den egurra mendi pistara aterako du herritarren artean banatzeko.
Aurrez izena eman beharko da
Aipatutako egur hori eskuratzeko interesa dutenek aurrez izena eman beharko dute ingurumena@villabona.eus helbide elektronikora mezu bat bidalita edo Villabonako udaletxeko Herritarren Arreta Zerbitzuan (astelehenetik ostiralera 8:00etatik 14:00etara). Beharrezkoa izango da mezu horretan izen-abizenak, harremanetarako kontaktu bat eta NAN zenbakia zehaztea.
Apuntatzeko azken eguna abenduaren 31 izango da, ostirala.