Amasa-Villabonako Udalak jakinarazi duenez, ezezagunek obretako hondakinak bota dituzte bide bazterrean, Komizar parke aurreko tunelaren ondoan. Gertakari hau, "onartezina" dela uste du udalak. "Aspertuta gaude horrelako jokabide zikin eta anti-ekologikoekin", esan dute udal ordezkariek.
Udaltzaingoak ikerketa abiatu du gertaerak argitzeko, baina oraingoz ez du argitu nor edo nortzuk izan diren hondakina bide bazterrean bota dutenak. Horregatik Udaltzaingoarekin harremanetan jartzea erregutu dute udal ordezkariek, 943 69 39 80 telefonoan.
Udal garbiketa brigadako langileek garbituko dute eremua.