Urtero Oinkari dantza taldeko hainbat dantzarik parte hartzen dute Segurako Euskal Herriko Dantza Txapelketan eta larunbatean ere Gorka Granado eta Mattin Etxebeste izan zituzten lehian.
45. edizioan Gorka Granadok bereganatu du txapela Maren Galvez bikote izanik. Sopelarra da Granado eta herri hori ordezkatuz hartu du parte aurten Seguran. Oinkariko Lourdes Esnaola du irakasle.
Larunbatean, Esnaolaren ikasle ere baden Mattin Etxebestek Guillermo Areizaga saria jaso zuen. Lehenengo urtez parte hartu dutenen artean lehen postua lortu zuen Etxebestek, Olatz Azkuerekin batera.