58. Enrique Abril Errebote Txapelketako finalerdietara sailkatzea lortu du Villabonako Behar Zana taldeak. Azken fasera sailkatu den Gipuzkoako talde bakarra da, Zubietak eta Txostek aurten ez baitute lortu txapelketan aurrera egitea. Honela gelditu da, hain zuzen ere, ligaxkako sailkapena:
A MULTZOA
1. Behar Zana (Villabona, Gipuzkoa), 4 puntu
2. Zaharrer Segi (Baigorri, Nafarroa Beherea), 3 puntu
3. Zubieta (Zubieta, Gipuzkoa), 2 puntu
B MULTZOA
1. Luzean (Donibane Lohizune, Lapurdi), 4 puntu
2. Kanboarrak (Kanbo, Lapurdi), 3 puntu
3. Txost (Oiartzun, Gipuzkoa), 2 puntu
Beraz, Kanboarrak taldearen aurka lehiatu beharko du Behar Zanak finalerdietan. Igandeako jardunaldian izango da norgehiagoka, Villabonako Errebote plazan, 11:00etan. Beste finalerdian Luzean eta Zaharrer Segi taldeak izango dira aurrez aurre; bihar honetan bertan jokatuko dute, Zubietan, 11:00etan.