Gaur bazkaltzeko elkarteak berak antolatu duen BTT Martxako antolakuntzako kideak izango dituzte, 30 inguru, eta horrez gain beste hamabost pertsona izango dituzte. "Gaur gauean guztiz beteko da", esan du Ander Etxeberria Irrintzi elkarteko kideak, "eta ostegunean eta ostiralean lasaiago joan da". Esperotako jende kopurua izaten ari dira Garagardo Asteburuan: "Pandemiaren garaiko bukaerako trantsizio hau ikusita, gutxi gorabehera esperotako mugimendua izaten ari gara". Jendea gustura ari dela parte hartzen gaineratu du Etxeberriak: "Nostalgia pixka bat bazuen jendeak garagardo festako menua probatzeko, eta horrekin ase daude. Espero dugu datorren urterako, neurriak arintzen direnean, garagardo festa formatu originalean egitea".
Irrintzi elkartea Garagardo Asteburua egiten ari da, bere egoitzan garagardo festako menua eskainiz.
Ez diogu hau kapritxo hutsagatik: lagundu iezaguzu. Eduki hau guztia doan ikusten duzu ez dugulako irudikatzen euskarazko hitzik gabeko Tolosalderik. Atarikide, iragarle eta erakunde askoren laguntzarik gabe ezinezkoa litzateke. Zenbat eta komunitate handiagoa sortu, orduan eta sendoagoa izango da ATARIA: zurekin, zuekin. Ez utzi biharko gaur egin dezakezuna: egin zaitez Atarikide!
EGIN ATARIKIDE!