13/13 epaiketan auzipetu duten Julen Zelarain billabonatarrari babesa eskaintzeko ekimenak egingo dira larunbatean, urriaren 2an, Amasa-Villabonan. Zelarain beste sei kiderekin batera epaitzen ari dira Espainiako Auzitegi Nazionalean eta 77 urteko kartzela zigorra eskatzen dute haientzat.
Uztailaren 12an abiatu zen epaiketa eta astelehenean egin zuten azkeneko auzi saioa. Hurrengoa urriaren 29an egingo dutela adierazi du Angela Murillo epaileak. Azaroaren 3rako eta 4rako ere deitu dute auzi saioetara. Espero da orduan ematea epaiketaren ondorioak eta alde bakoitzaren argudioak.
Bien bitartean, Amasa-Villabonan auzipetuekiko elkartasun ekimenak ari dira bideratzen. 13 minutuko 13 ekimen lelopean, egun osoan zehar herriko hainbat txokotan ekimenak antolatu dituzte.
Hau da prestatu duten egitaraua:
- 08:00. Gosaria Malkar plazan.
- 09:00. Kontzentrazioa Berdura plazan.
- 10:00. Kontzentrazioa Malkar plazan.
- 11:00. Slack-line plazan.
- 12:00. Dantzak Malkar plazan.
- 13:00. Kontzentrazioa Malkar plazan.
- 14:00. Kontzentrazioa Berdura plazan.
- 15:00. Xake txapelketa Malkar plazan.
- 16:00. Kontzentrazioa Malkar plazan.
- 17:00. Kontzentrazioa Malkar plazan.
- 18:00. Kontzertu akustikoa Malkar plazan.
- 19:00. Manifestazioa herrian zehar.
- 20:00. Pintxo-pote Berdura plazan.