Adierazpen horretan, Amasa-Villabonako Udalak hainbat eskaera egiten dizkie Eusko Jaurlaritzari, Europar Batasunari eta Espainiar Gobernuari.
Besteak beste zera eskatu du udalak: estatuak harrera egiteko dituen plaza libreak Afganistango errefuxiatuentzat erabiltzea; Eusko Jaurlaritzak 2018. urtetik bultzatutako SHARE proposamena Europako agendan txertatzea; babes komunitariorako programak sustatzea; Euskadin bizi diren 45 afganiarrekin harremanetan jarriz familia elkarketak erraztea; eta errefuxiatuentzat igarobide seguruak sortzea.