Maitane Iturrioz billabonatarrak eta Eider Amenabar errenteriarrak irabazi dute Trikitilari Gazteen Zestoako X. Txapelketaren garaikur nagusia. Igandean jokatu zen txapelketa Zestoako plazan eta zazpi bikotek hartu zuten parte. Puntu gehien batu zituzten hiru bikoteek izan zuten saria.
Maitane Iturriozentzat eta Eider Amenabarrentzat izan zen lehen saria. Bigarren postuan sailkatu zen Irati Arzelusek (Lazkao, Gipuzkoa) eta Mirari Plazaolak (Arrasate, Gipuzkoa) osatutako bikotea. Txapelketaren hirugarren saria, berriz, Araitz Etxaniz azkoitiarrak eta Enaitz Alberdi azpeitiarrak eskuratu zuten. Zestoako sari berezia ere banatu zuten, herriko bikote onena nabarmentzen duena, eta Ane Urbietak eta Nerea Lopetegik jaso zuten aipamen hori.