Amasa-Villabonako Kultura sailak kultur ikastaroen eskaintzaren berri eman du. Izen emateak www.villabona.eus webguneko inprimakien bidez egin beharko da eta ezinbestekoa izango da udalak ikastaroak gauzatzeko onartu duen COVID-19aren inguruko protokoloa onartzea.
Izen emateak irailaren 9tik 21era egin beharko dira eta argibideren bat nahi duenak kultura@villabona.eus helbidera idatzi dezake, telefonoa utzi eta kultura saileko arduradunak jarriko dira interesatuarekin harremanetan.
Ikasturte osoko ikastaroen artean hoankoak daude: 6 eta 12 urte bitartekoentzako funkya, 6 eta 2 urte artekoentzat balleta, 8 eta 12 urte artekoentzat antzerkia, 16 urtetik aurrerakoentzat antzerkia, 6 eta 10 urte artekoentzat eskulanak, zaharberritzea eta arte aplikatuak, egur lanketa helduentzat, 14 urtetik gorakoentzat pintura eta 8 eta 12 urte artekoentzat pintura. Ikastaro laburragoak ere eskainiko dira: serigrafia (12 ordukoa), oinarrizko argazkigintza (10 ordukoa) eta joskintza (40 ordukoa).
Ikastaroen inguruko informazio guztia hemen kontsultatu daiteke.