Gipuzkoako Foru Aldundiak jakitera eman duenez, positibo berri bat atzeman dute azken egunean Gipuzkoako adinekoen zentroetan, Villabonako Santiago egoitzan, hain justu.
Atzo 13 positibo berri izan zirela egoitzetan azaldu zuten, tartean, Zizurkilgo Fraisoro egoitzetan atzemandako bederatziak. Une honetan, 20 adineko daude kutsatuta Gipuzkoako zentroetan, eta horietatik 13 Eibarko eta Ordiziako zentroetara eraman behar izan dituzte "prebentzio modura, eta kutsatzeak ez areagotzeko".