Villabonako Udalak gogorarazi du herriko eragileek osatzen dute Santio Jai Bartzordeak aurtengo jaiak bertan behera uztea erabaki zuela, eta ondorioz, Villabonan ez dela festarik egongo. "Ez dago inolako arrazoirik parranda egitera etortzeko, eta horretara datozenak ez dira ongi etorriak izango", esan dute.
Gehitu dute nola udala, hala udaltzaingoa, pasa den larunbateko kale istiluak ez errepikatzeko ahalegin guztia egiten ari direla, eta horretan jarraituko dutela asteburu osoan zehar ere. Bide horretan, "herriarekiko errespetua eta herritarren arteko gizalegezko jokabideak" exijitu dituzte, "errespetu faltek, jarrera oldarkorrek eta indarkeriak ez dute lekurik gurean".
Arduraz jokatzeko dei egin die herritar guztiei eta COVID-19ari aurre egiteko ezarri diren arau guztiak errespetatzeko.