Atzo arratsaldean jokatu ziren Amasa-Villabonako Behar Zana Pilota Elkarteak antolatutako Eskuz Binakako Santio Txapelketako finalak. Lehen partida, gazteen mailakoa, Donostiako Olaizola-Sorondo bikoteak irabazi zuen 13-22, Hernaniko Apaolaza- Oiartzabal bikotearen aurka.
Bigarren partidan berriz, nagusien mailan, parekatuagoa izan zen jokoa: Errenteriako Urmeneta-Aranguren bikoteak jantzi zuen txapela, Hernaniko Urruzola-Etxezarreta bikoteari 20-22 irabazita. Urmeneta eta Arangurenek Gabonen bueltan Amasa-Villabonan jokatzen den Antton Pebeten oroimenezko txapelketan parte hartzeko aukera eskuratu dute, beraz, eskuz binakako elite mailako txapelketan izango da Errenteriako bikotea.