Folklorearen, jazzaren eta musika klasikoaren arteko distantziakidetasun zainduari eutsiz, euskal eta iberiar penintsulako erritmoak eta doinuak, jazzaren askatasuna eta musika klasikoaren konposizio-prozesuen konplexutasuna uztartzen dituzte gaur Gorka Hermosa eta Garikoitz Mendizabal musikariek Villabonako Errebote plazan eskaini duten kontzertuan.
Amasa-Villabonako herritarrak euren doinu berriez gozatzeko elkartu dira plazan. Izan ere, tradizioa eta modernitatea uztartzen dituen XXI. mendeko euskal kulturari begirada berria egin diote bi musikariek. Hain zuzen, Hermosak konposatutako errepertorioa landu dute bertan. Errepertorio hori Berlingo Filarmonikoan, Washingtongo National Opera Kennedy Center-en eta beste toki ospetsu batzuetan interpretatu da, bai bakarlari ezagunenen eskutik, baita hiru kontinentetako 20 orkestren eskutik ere.