Joan den ostiral goizean Remi Ayestaranen omenez Etxeondon jarrita zegoen zuhaitza botata agertu zen. Remi Gogoan herri ekimenak zabaldutakoaren arabera herriko gazte batzuk izan dira ekintzaren egileak: "Hau onartezina da. Herriko memoriaren aurkako eraso bat, herriko gazte batzuek eginda".
Herri ekimeneko kideek adierazi dutenez, gertakari onek agerian uzten du memoria lantzen jarraitzeko beharra. "Etorkizuneko belaunaldiek jakin dezaten nor zen Remi eta zergatik hil zen". Amasa-Villabonako alkateorde zenari urtero bezala omenaldia egingo diote datorren uztailaren 31n, 20:00etan, bere izena daraman pasealekuan.