Lapurdi haur parkea berritzen ari dira

Malkar plazan dagoen haur parkea itxita eta hesituta egongo da datozen bi asteetan. Egokitzapen lanetarako 12.842 euro erabiliko ditu udalak.

Malkar plazako Lapurdi haur parkearen egoera kaxkarra ikusita, Amasa-Villabonako Udalak gune publiko horretan hobekuntza lanak hasi ditu. Hala, haurren segurtasunerako, parkearen lurzoruko goma berritu eta egoera txarrean dauden jostagarrien hainbat pieza aldatuko dira.

Lan hauek, gutxi gora-behera, bi asteko iraupena izango dute. Beraz, bitarte horretan, parkea ez da erabilgarri egongo, eta hesituta mantenduko da.

Udalak 12.842 euroko inbertsioa egin du gune publiko hau hobetzeko, eta Urbabil 2000 S.L enpresak burutuko ditu lanak.

Albiste hau ATARIKIDEei esker argitaratu dezakegu. Haiei esker Tolosaldeko albisteak libre, euskaraz eta kalitatez irakurtzen dituzu. Horrela izaten jarraitzeko eman babesa Tolosaldeko Atariari eta ZU ERE IZAN ZAITEZ ATARIKIDE.

#EgitenDuzunaGara


EGIN ATARIKIDE!