Amasa-Villabonako kaleak festa giroz alaitu zituen Zunbeltz elkarteak, beste behin. Amasatik abiatu eta Villabonako plaza eta txoko ezberdinetan geldialdiak egin zituzten, suaren bueltan jarri eta antzezpen txiki bat egiteko. Patxi errementari, deabruak, galtzagorriak, sorginak eta euskal mitologiako beste hainbat pertsonaiek hartu zuten parte.
Eguraldiak ez zuen gehiegi lagundu, uneren batean ere ez baitzuen euria egitetik geratu, hala ere, irrintzi eta oihu artean ospatu zuten urteko gaurik motzena, lagunen ondoan, festan.