Txermin, Altzin, Erniobea eta Kale Berriko ur hoditeria berritzeko lanak egingo dituzte

Azaroaren 29ra arte luzatuko dira lanak eta fase ezberdinetan egingo dituzte.

Txermin, Altzin, Erniobea eta Kale Berria 15ean ur hoditeria aldatzeko lanak hasiko dira ekainaren 21ean. Horrela, ur hornikuntzarako hodi berriak jartzeaz gain, saneamendu sarean ere hobekuntzak egingo dira, gaur egungo hoditeria zaharkituta baitago.

Aurreikusitakoaren arabera, lan hauek ekainaren 21ean hasiko dira, eta azaroaren 29ra arte luzatuko dira.

  • Ekainaren 21etik abuztuaren 1era  Txermin auzotik Arratzainera igotzeko N1 errepidearen azpialdean dagoen tunelaren inguruan egingo dituzte lanak,  Zubimusu ikastolaren zonaldean.
  • Bestetik, abuztuaren 2tik azaroaren 29ra Altzin auzoa eta Kale Berria 15 inguruko zonaldean arituko dira; Zubimusu ikastolatik Iru Aldeta tabernaraino doan kalean, eta Erniobea kalean, osasun etxearen inguruan.

Ikusi hemen planoa eta obraren faseak.

Gutxi gora behera 5 hilabeteko iraupena izango duten lan hauen sustatzailea Gipuzkoako Ur Kontsorzioa da eta Urbycolan enpresa izango da obrak burutuko dituena. Guztira, 331.739 euro bideratu dira ur hornikuntza hobetzeko lan hauetara. Amasa-Villabonako Udalak, bere aldetik, lan hauek baliatuko ditu ingurumen legedia bete ahal izateko ezinbestekoa den euri urak eta ur zikinak bereizteko lanak egiteko, eta 9.626 euroko inbertsioa egingo du horretarako.

Sortu daitezkeen trabak murrizteko, obrako arduradunekin harreman zuzenean dago udala eta elkarlanean ari da, sortu daitezkeen eragozpenak ahalik eta arinenak izan daitezen. Informazio honen guztiaren berri emateko, bando bat argitaratu eta itsatsi dute zonaldeko bizilagunen etxe atarietan. 

Albiste hau ATARIKIDEei esker argitaratu dezakegu. Haiei esker Tolosaldeko albisteak libre, euskaraz eta kalitatez irakurtzen dituzu. Horrela izaten jarraitzeko eman babesa Tolosaldeko Atariari eta ZU ERE IZAN ZAITEZ ATARIKIDE.

#EgitenDuzunaGara


EGIN ATARIKIDE!