Udalak margotze lanak egin ditu Amasako udal pilotalekuan eta Olaederra kiroldegiko udal pilotalekuan. Margotze hauen bidez, pilotaleku hauen izenak eta eraikitze urteak ikus daitezke ezker paretetan eta horrekin batera Amasa-Villabonako eta Euskal Herriko armarriak ere ezarri dira, herriaren nortasun ikur nagusi gisa.
Lan hau Tolosako Alustiza margolariak enpresak egin du eta udalak guztira 1.800 euro ordaindu ditu (Amasako margotzea 975 euro eta Olaederrakoa 825 euro). Kopuru hau, udaleko kirol sailak 2020. urterako zuen aurrekontutik soberan geratutakoarekin ordaindu da, COVID-19aren ondorioz 2020an ezin izan baitziren hainbat kirol ekintza gauzatu.