Azken hilabeteetan Amasa-Villabonako Elkartasun Sareak udaleko Gizarte Zerbitzuen sailarekin elkarlanean egindako lanen berri emango da batzar horretan eta ZU-BI izeneko elkartasun dinamika berriaren proposamena aurkeztuko da. Dinamika solidario honen bidez, zailtasun ekonomikoak dituzten familietako haur eta gaztetxoei aukera berriak eskaini nahi zaizkie herriko jardueretan parte hartzeko eta arrazoi ekonomikoengatik garatu nahiko lituzketen kirol, kultur edota aisialdiko jarduerei uko egin behar ez izateko.
Amasa-Villabonako udalak ere, batzarrean parte hartu eta Elkartasun Sarearen lana babesteko deia luzatu die herritarrei. Maiatzaren 27an izango da, osteguna, 19:00etatik aurrera Villabonako udaletxeko batzar aretoan.