Villabonako jai batzordeak beste bilera bat egingo du aurtengo uztaileko kultur egitarau berezia osatzeko. Jakina denez, COVID-19ak sortutako egoera dela medio, aurten ere ezin izango da ohiko Santio jai egitaraua antolatu eta horren ordez, iaz bezala, uztailean zehar garatuko den kultur egitarau berezi bat antolatzeko urratsa eman du jai batzordeak.
Era askotako kultur emanaldiek bere lekua izango dute egitarauan, eta gehienbat kalean, aire librean, garatuko dira: kale-antzerkia, musika emanaldiak, haurrentzat antolatutako ikuskizunak...