2018an sortu zuten Onki Xin musika proiektua Fer Apoak eta Zigor DZk. Urte hartan publikatu zuten lehen diskoa eta ordutik kantu ezberdinak kaleratu dituzte. Oraingo honetan, Antifa Dance Squad kantua Aieka estudioan grabatu dute Peio Gorrotxategirekin.
Bideokliparen zuzendaritza, grabazioa eta edizioa Unai Lizarzaren esku joan da eta Junki aritu da argi teknikari gisa. Bideoan Oier Laborde, Lierni Kamio, Beñat Monfort, Urko Mitxelena eta Ibon Huarte dantzariak azaltzen dira eta kantuaren koroak Miren Uranga eta Beñat Atorrasagastik egin dituzte.