Aurten egindako lehen bileran aurten Santio jairik ez dela izango erabaki zuen festa batzordeak. Dena den, kaleko kultur programazio bat osatzeko borondatea agertu zuten parte hartu zuten eragileek. Udaleko Kultura sailak zirriborro bat egin du eta jai batzordeko kideek euren proposamenak helarazteko aukera izango dute bileran, denen artean aztertzeko.
Gaur, 19:00etan, egingo dute bilera, udaletxeko pleno aretoan. Bilera presentziala izango da, baina nahi duenak aukera dauka telematikoki parte hartzeko: meet.jit.si/villabonakoudala (Pasahitza eskatuko balu: villabona 2020).