Donostiako Victoria Eugenia Antzokian egindako ekitaldi batean banatu dituzte Repsol Gidako 96 eguzkiak. Inoizko urte zailenean sukaldariek egindako lana goraipatu du Maria Ritter gidaren arduradunak eta pandemiaren aurrean izandako "ausardia eta erresistentzia" saritu nahi izan dituztela esan du.
Amasan kokatuta dagoen Hika txakolindegiak Repsol gidak banatzen duen eguzkia eskuratu du lehen aldiz. Aitortza hori bera jaso dute Kromatiko (Araba), Aitor Rauleaga (Bizkaia), Garena (Bizkaia), Horma Ondo (Bizkaia), Ola Martín Berasategi (Bizkaia) eta Amelia (Gipuzkoa) jatetxeek.
Aitor Arregiren Getariako Elkano jatetxeak, Jordi Vilaren Bartzelonako Alkimiak, eta Paco Perez Llançaren Gironako Miramarrek 2021eko Repsol Gidaren hirugarren eguzkia eskuratu dute.