Martxoaren 28an, 9:00etan Olaederra kiroldegitik abiatuta, 500 kilometro egiteko erronka jarri dio bere buruari Izan Bidea ekimenak. Preso eta iheslarien alde 10na kilometroko ibilbidea egingo duten 50 pertsona bildu nahi dituzte.
Erronka osatuta, bazkaria egingo dute horrela nahi dutenek. Egungo egoera dela medio, bazkaria talde txikietan egingo dute herriko taberna ezberdinetan, herriko ostalaritzari lagunduz.
Erronka honetan parte hartu nahi dutenek, martxoaren 23a baino lehen eman beharko dute izena Rainbow, Argoin eta Iratzar tabernetan, edo bestela, 673 424 100 telefonoan edo sareamasabillabona@gmail.com helbidean.