Seaska haur eskolako matrikulazioetako diru laguntzak banatu dituzte

Guztira Amasa-Villabonako 8 familiak jaso dute diru laguntza eta guztira 3.006 euro banatu dira familia hauen artean.

Amasa-Villabonako Udalak bigarren urtez jarraian 2020. urtean zehar haurrak Seaska haur eskolan matrikulatu dituzten gurasoei zuzendutako diru laguntzak eman ditu.

Udal gobernuak diru laguntza honi buruzko irakurketa positiboa egin du, "laguntza hau indarrean izateak gurasoek beren haurrak herriko haur eskola publikoan matrikulatzeko erraztasun bat suposatzen baitu".

Ondorioz, datozen urteetan diru laguntza hau mantentzeko konpromisoa hartu du udal gobernu taldeak eta laguntza honek bere helburuak betetzen jarrai dezan, Seaska haur eskolako arduradunekin batera jarraipen bat egingo zaio, eraginkortasuna hobetzeko aukerak ere aztertuko direlarik. 

Diru laguntza honen oinarriak kontsulta daitezke hemen: https://egoitza.gipuzkoa.eus/gao-bog/castell/bog/2020/08/03/c2003672.pdf 

 

Albiste hau ATARIKIDEei esker argitaratu dezakegu. Haiei esker Tolosaldeko albisteak libre, euskaraz eta kalitatez irakurtzen dituzu. Horrela izaten jarraitzeko eman babesa Tolosaldeko Atariari eta ZU ERE IZAN ZAITEZ ATARIKIDE.

#EgitenDuzunaGara


EGIN ATARIKIDE!