2020ko abenduaren 4an hasi eta finala abenduaren 27an jokatzekoa zen, baina osasun larrialdi egoeragatik antolatzaileek erabaki dute txapelketa ez antolatzea.
Behar Zana pilota elkartetik eskerrak eman dizkiete urte guzti hauetan bidelagun izan diren babesle, pilotari eta pilotazaleei. "Zuei esker egin da Antton Pebeten oroimenezko txapelketa handi hau, erreferente bihurtu dena pilota munduan".
Txapelketaren antolatzaileek aipatu dutenez, 2009an hasi zuten bidearekin 2021ean jarraituko dute. "Pilotalekuetan ikusiko dugu elkar", esan dute Behar Zanako kideek.