Villabonako kultur ikastaroetako matrikulazioa eta ikasturtearen hasiera atzeratu egingo dute. Kultura sailetik jakinarazi dutenez, irailean zehar emango dute ikastaro eskaintzaren berri.
Sarrera telematikoak
Apirilaren 30ean iraungitzen ziren zinema bonuak abenduaren 31ra arte erabili ahal izango dira, martxoaren erdialdetik film emanaldirik ez baita izan Gurea aretoan.
Bestalde kultura saila lanean ari da zinema eta ikuskizunetarako sarrerak modu telematikoan (Gureako leihatilan eta online) erosteko aukera ahalik eta lasterren izan dadin. "Horrek, gainera, sarrera zenbakituak erosteko aukera emango luke, eta ilarak gutxitu eta denon segurtasuna areagotuko litzateke", adierazi dute.
Momentuz, irailean dauden antzezlanetarako sarrerak betiko moduan eros daitezke (Gureako leihatilan, Amasa kafetegian eta Basajaun liburu dendan).
Kultur eskaintza zabala prestatu dute irailerako.