Atzo arratsaldean jokatu zen Maizen eta Massonderen arteko finala, Donibane Garaziko Garat trinketean. Txapelketako finalaurrekoak martxoan jokatu behar zituzten, baina Covid-19 zela eta, atzeratu egin ziren. Horrela, atzo jokatu zuten txapelketako finala.
Billabonatarra hirugarren mailan hasi eta, urtebetean, lehen mailara igo zen. Profesional mailan aurrera egiteko partida garrantzitsua zen atzokoa. Partida estua izaten ari zen eta 30. tantoa egin zuenean Eneko Maizi sorbalda atera zitzaion. Azkenean, txapela Massondek irabazi zuen; 40 eta 34 tantoko markagailuarekin nagusitu baitzen. Maizek, beraz, bigarren postua eskuratu zuen.