Olaederrrako bazkide ez direnek ere kiroldegia erabili dezakete

Uztailaren 23tik aurrera denentzat daude ateak irekita eta sarreran salmenta martxan dago berriro ere.

Pasa den ekainaren 22an ireki zituen ateak Olaederra kiroldegiak, COVID-19ak eragindako alarma egoera ezarri zenetik itxita egon eta gero. Orain arte segurtasun neurriak zorrotz betez, kiroldegiko bazkide direnek bakarrik izan dute instalakuntzak erabiltzeko aukera. Uztailaren 23tik aurrera, ordea, denentzat daude ateak irekita, sarreren salmenta martxan baitago berriro ere. Kiroldegiko instalakuntzak erabiltzeko beharrezkoa da aurrez hitzordua egitea, bai bazkideek eta baita bazkide ez direnek ere.

Uztailaren 24tik aurrera gorputz tratamenduko gunea ere martxan egongo da, hau da, saunak eta hidromasaiak erabiltzeko aukera egongo da Olaederra kiroldegian, edukiera mugatuarekin eta aurretik erreserba eginda. 

Albiste hau ATARIKIDEei esker argitaratu dezakegu. Haiei esker Tolosaldeko albisteak libre, euskaraz eta kalitatez irakurtzen dituzu. Horrela izaten jarraitzeko eman babesa Tolosaldeko Atariari eta ZU ERE IZAN ZAITEZ ATARIKIDE.

#EgitenDuzunaGara


EGIN ATARIKIDE!