Urbieta eta Artzai 4-0 hasi dira irabazten, baina gero Iñaki Elola koska bat gorago egon da. Beste hirurek partida ona egin dute, baina Elolaren jokoa erabakigarria izan da txapelak zeinen buruetara joango ziren jakiteko. Ehundik gora ikusle izan dira Bearzana frontoian, guztiak maskara jarrita.
Finalaren aurretik Behar Zana elkarteko jubenilek jokatu dute, eta partida borrokatu batean, Eñaut Aranburu eta Koldo Jauregi bikoteak 22-20 irabazi diote Endika Aburuza eta Aimar Iraola bikoari.
Behar Zana Pilota Elkartearen beste ekitaldi bat izango da uztaila bukaeran. Hain justu, urtero legez, errebote partida jokatuko dute San Inazio egunean, uztailaren 31n, Behar Zana eta Hazparne taldeek. Villabonako Errebote plazan jokatuko da, eta 91. aldia izango da. Bestalde, uztailaren 18rako aurreikusita zegoen Emakumezkoen Pala Txapelketa Azkarra bertan behera geratu da.
ARGAZKI GALERIA: OLATZ LASA/AIURRI