Azken bi bikote horiek ostegun arratsaldean lortu zuten finalerdietarako txartela. Erraz irabazi zituzten gainera, euren partidak. Elola-Etxeberria bikoak 22-6 irabazi zion Hernaniko Salaberria-Lababa bikoteari. Beste partidan, Eskudero-Urruzola bikoak 3-22 irabazi zion Intza elkarteko Artetxe-Odriozola bikoteari.
Behar Zana elkarteak antolatzen duen Santio Pilota Txapelketaren finalerdiak izango dira jokoan gaur, Villabonako Bearzana pilotalekuan. Jaialdia 18:30ean hasiko da, eta lehen partidan, EPLE elkarteko Urdaneta-Aranguren eta Behar Zanako Xabi Urbieta eta Aitor Ormazabal neurtuko dira. Bigarrengoan Tolosa Aurrera elkarteko Elola-Etxeberria eta Gazteleku eta Pagazpe elkarteko Eskudero-Urruzola izango dira finalera iristeko txartelaren borrokan ariko direnak.
Ez diogu hau kapritxo hutsagatik: lagundu iezaguzu. Eduki hau guztia doan ikusten duzu ez dugulako irudikatzen euskarazko hitzik gabeko Tolosalderik. Atarikide, iragarle eta erakunde askoren laguntzarik gabe ezinezkoa litzateke. Zenbat eta komunitate handiagoa sortu, orduan eta sendoagoa izango da ATARIA: zurekin, zuekin. Ez utzi biharko gaur egin dezakezuna: egin zaitez Atarikide!
EGIN ATARIKIDE!