Elola-Etxeberria eta Eskudero-Urruzola, finalerdietara

Tolosaldeko Ataria 2020ko uzt. 3a, 16:30

Santio Txapelketaren beste bi final-laurdenak jokatu ziren atzo arratsaldean, eta erraz irabazi zituzten Elola-Etxeberria bikoteak eta Eskudero-Urruzola bikoteak euren partidak.

Villabonako Bear Zana pilotalekuan jokatzen da Santio Txapelketa, eta final-laurdenetako bigarren jardunaldian alde handia izan bi partidetako markagailuan. Tolosa Aurrera elkarteko Elola-Etxeberria bikoak 22-6 irabazi zion Hernaniko Salaberria-Lababa bikoteari. Beste partidan, Gazteleku eta Pagazpe elkarteko Eskudero-Urruzola bikoak 3-22 irabazi zioten Intza elkarteko Artetxe-Odriozola bikoteari. 

Finalerdiak datorren asteartean, uztailak 7, izango dira, 18:30ean hasita, Bearzana frontoian. Lehen partidan, EPLE elkarteko Urdaneta-Aranguren eta Behar Zanako Xabi Urbieta eta Aitor Ormazabal neurtuko dira, eta bigarrengoan Tolosa Aurrera elkarteko Elola-Etxeberria eta Gazteleku eta Pagazpe elkarteko Eskudero-Urruzola.

Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!


EGIN ATARIKIDE!