Irrintzi elkarteak antolatzen du urtero eta aurreko ekainaren 20an egindako batzarrean hartu zuten erabakia. Azokan jende asko biltzen da eta segurtasun neurriak bermatzea ezinezkoa egiten zaie elkarteko kideei.
"Datorren urterako indarrak hartuko ditugu bai guk, eta baita kanpotik etortzen direnek ere. Ea hurrengo urtean posible den”, adierazi zuen Dorleta Aranburu Irrintziko lehendakariak.
Amasa-Villabonako Udalak bere animoak helarazi nahi izan dizkie Irrintzi elkarteko kideei, urtero antolatzen duten eta erreferente bilakatu den ekimen hau ezin izango dutelako antolatu. "Espero dugu datorren urtean Garagardo Azoka egin ahal izatea. Hori da guztion nahia".
Ez diogu hau kapritxo hutsagatik: lagundu iezaguzu. Eduki hau guztia doan ikusten duzu ez dugulako irudikatzen euskarazko hitzik gabeko Tolosalderik. Atarikide, iragarle eta erakunde askoren laguntzarik gabe ezinezkoa litzateke. Zenbat eta komunitate handiagoa sortu, orduan eta sendoagoa izango da ATARIA: zurekin, zuekin. Ez utzi biharko gaur egin dezakezuna: egin zaitez Atarikide!