Oria Merkatari Elkarteak udala omendu du alarma egoeran alboan izan dituztela eskertzeko. Udaletxearen kanpoan elkartu dira lehenik. Ondoren, Xabat Laborderi ea behera jaisterik zuten galdetu diete, telefonoz. Beatriz Unzue alkatea eta zinegotzia jaitsi dira, eta kanpoan zer zuten ikusitakoan, ezustekoa euren aurpegietan azaldu da. Dantzarien ondoren, ondorengo bertsoa kantatu diete udal ordezkariei merkatariek:
Villabonako Udala
Doinua: Habanera
Egun batetik bestera
dena iluntzen denean
herriko denda guztiak
isteko itomenean
ez da argirik ikusten
tunelaren barrenean
eskerrak Villabonako
udalak duen bermean
bono laguntzak eskainiz
lagundu duen lanean
herritik ta herriarentzat
eredu bat azkenean
eusten gaituen sare bat
eraikiz elkarlanean
mila esker komertzio
txiki denen izenean.
