COVID-19aren krisiagatik denda itxita eduki behar izan duten merkatariei laguntzeko udalak martxan jarritako kontsumo bonuen ekimenak herritarren erantzun "paregabea" izan duela nabarmendu du Amasa-Villabonako Udalak.
Ekimen honetara bideratutako 30.000 euroko aurrekontua amaitu da, eta guztira 10.000 bonu banatu dira bailarako biztanleen artean. Beraz, kanpaina honen bitartez, gutxienez, 100.000 euroko kontsumoa bideratu da parte hartu duten herriko 32 dendetara.
Amasa-Villabonako Udalak merkataritza sektoreari bultzada bat emateko helburuarekin jarri du martxan ekimena eta bere poza adierazi nahi du herriak eman duen erantzunagatik. Era berean, eskerrak eman nahi izan dizkie bonuak erosiz herrian bertan kontsumitu duten guztiei, parte hartu duten dendariei eta ekimen honetan buru belarri aritu diren udal langileei.