Datorren denboraldirako, 2020-2021erako hain justu, Billabona FKEren futbol eskolan izena eman nahi dutenek aukera dute dagoeneko. Horretarako https://labur.eus/ntvfq loturan sartu behar dira eta Internet bidez eman ahalko dute izena.
2012, 2011, 2010 eta 2009an jaiotakoek eman ahal dute izena eskolan. Ordutegiak ondokoak izango dira: 2009koak, astelehen edo/eta asteazkenetan, 17:15etik 18:45era; 2010ekoak, asteazkenetan, 17:15etik 18:45era; eta 2011 eta 2012koak, ostiraletan, 17:15etik 18:45era. Zalantzarik izanez gero edo informazio gehiago jasotzeko billabonafke@yahoo.es helbidera idatzi daiteke.
ATARIA ez da soilik komunikabide bat: komunitate baten ahotsa da, eta urte hauen guztien ondoren, zuen babesa behar dugu, inoiz baino gehiago: ATARIAk behar du Tolosaldea. Horregatik erronka bat daukagu esku artean: gure eskualdeko 28 herrietan hamarna harpidedun berri behar ditugu. Zu falta zara, bazatoz?