Koronabirusa

Amasa-Villabonan kalera ateratzeko ordutegiak mantenduko dituzte

Tolosaldeko Ataria 2020ko mai. 22a, 11:46

Espainiako Gobernuak gaur goizean argitaratu du agindua, eta biztanle kopuruari begiratzeaz gain, dentsitateari ere begiratzen dio.

Kilometro koadroko 100 biztanletik beherako dentsitatea duten 10.001 biztanletik beherako udalerriei eragiten die arauak eta Amasa-Villabonan dentsitatea 331 biztanlekoa da kilometro koadroko.

Tolosaldean Amasa-Villabona da 5.000tik gorako eta 10.001etik beherako udalerri bakarra, baina ezarri duten bigarren aldagaiarekin ez dio ordutegiaren arau berriak eragiten. Dena den, argitaratu den unetik hurrengo fase aldaketara arte izango da indarrean agindua eta Eusko Jaurlaritzak, dagoeneko, eskatua du fase aldaketa astelehenetik aurrera.

Bigarren fasean ez da izango ordutegirik Espainiako Gobernuak atzo aurreratu zuenez. Bide batez, gaur jakinaraziko dute zein lurralde igaroko diren fase berrira.

Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!


EGIN ATARIKIDE!