"COVID-19ak sortu duen pandemiak aste zailak ekarri dizkigu guztioi, baina bereziki, osasungintzan ari diren profesional guztiei", dio udalak.
Langile hauek herritarrentzat egin duten esfortzu guztiaz jakitun dela esan du udalak, beraz, Arantza Lopez Gizarte Zerbitzuetako zinegotzia eta Beatriz Unzue alkatea Amasa-Villabonako Osasun zentroan eta Santiago egoitzan izan dira lore sorta banarekin, bertako erizainen lana aitortzen eta eskertzen.
"Eskerrik asko zuen lanagatik, bejondeizuela", adierazi diete udal ordezkariek erizainei.
