Koronabirusaren hedapenari aurre egiteko hartutako neurrien ondorioz, Euskal Herriko kulturgintza larri dagoela ikusita, apirilaren 21ean eta 22an greba digitala egiteko deia zabaldu dute 300 kulturgilek baino gehiagok. www.kulturgintzan.eus orrialdean zabaldu dute beren analisia, eta bertan topa daiteke deialdiarekin bat egiteko bidea ere.
Amasa-Villabonako Udalak ere bat egin du ekimenarekin eta ez du inolako edukirik partekatuko bi egunetan eta martxan izango da, berriro, apirilaren 23an.
KZgunearen oharra
Villabonako KZgunea koronabirusagatik itxita dagoen bitartean, herritarrek telefonoz eta posta elektronikoz laguntza izango dute zalantza teknologiko guztiak argitzeko. Hori dela eta, 943 023 685 telefono zenbakira deitu daiteke, astelehenetik ostiralera, 09:00etatik 13:00etara eta 16:00etatik 20:00etara, edo tutor.villabona@kzgunea.net e-mailera idatzi daiteke.
Teknologiaren inguruko zalantzak hezkuntzaren arloan KZguneak lankidetzan dihardu Hezkuntza Sailarekin, euskal familiek konpetentzia digitalak areagotu ditzaten (Google Classroom, Google Drive, posta elektronikoa, bideokonferentzia bidezko eskolak...), horrela, seme-alabei gaur egun Araba, Bizkaia edo Gipuzkoako ikastetxeek bidaltzen dituzten online zereginetan laguntzeko.
Era berean, hemen ikus ditzakezu KZguneak eskaintzen dituen online ikastaroak.