Koronabirusa

Osasun larrialdiak eraginda hartutako neurriak

Azken egunetan udalak hainbat neurri berezi hartzea erabaki du koronabirusak eragindako osasun larrialdiak eraginda. Aipagarriak diren neurriak zerrendatu ditu Amasa-Villabonako Udalak:

Herritarren parte hartze prozesua behin behinean etenda

Udaleko prozedura guztien epeak etenda daude. Ondorioz, hilabete hasieran martxan jarritako herritarren parte hartze prozesua ere etenda geratzen da behin behinean.

Osasun-larrialdi egoera hau amaitzean, herritarren parte hartzerako udal Batzordea bilduko da eta epe berriak jakinaraziko ditu.

Organikoaren eta Errefusaren edukiontziak zabalik

Udalak Organikoaren eta Errefusaren edukiontziak irekitzea erabaki du, herritarrek txartelik gabe erabili ahal izan ditzaten.Erabaki hau Tolosaldeko Mankomunitatearekin elkarlanean hartua izan da, adituen iritziari kasu eginez.Neurri berezi honen helburua lurrean utzitako poltsen bitartez gerta litekeen Koronabirusaren hedapena saihestea da.

Herritarrei eskatzen zaie, mesedez hondakinak edukiontzien barrura bota ditzaten eta saia daitezela poltsak egunero ez ateratzen.

Autoak aparkatzeko zona mugatua ere bertan behera geratzen da

Villabonako herri-guneko ordu beteko aparkatzeko zona mugatua ere bertan behera gelditzen da. Beraz, autoa behar den denbora guztian eduki ahal izango da aparkatuta, inolako mugarik gabe.

Albiste hau ATARIKIDEei esker argitaratu dezakegu. Haiei esker Tolosaldeko albisteak libre, euskaraz eta kalitatez irakurtzen dituzu. Horrela izaten jarraitzeko eman babesa Tolosaldeko Atariari eta ZU ERE IZAN ZAITEZ ATARIKIDE.

#EgitenDuzunaGara


EGIN ATARIKIDE!