Berdel Pilota Festa hartuko du etzi Villabonak

Behar Zana pilota elkarteak antolatuta, larunbat honetan Berdel Pilota Festa egingo dute Villabonan. 16:30ean hasiko dira ekitaldiak, II. Pilota-Berdel topaketarekin.

Eguraldi ona eginez gero, Errebote plazan elkartuko dira Aiztondo bailarako elkarteko pilotariak, eta txarra eginez gero, Beharzana frontoian ariko dira. 6 eta 12 urte bitarteko 90 gaztetxok eman dute izena parte hartzeko. Hortik gutxira, 16:45ean, IV. Emakumeen Txapelketa Azkarrari hasiera emango diote Beharzana frontoian. Hamar parte hartzailek eman dute izena eta bost bikote osatuko dituzte. Kanporaketak jokatuko dituzte eta finala 18:45ak inguruan izango dela aurreikusten dute. Eguraldi txarra egiten badu, Amasako frontoian ariko dira, gaztetxoei lekua utziz Beharzana frontoian.

18:00ak aldera hasiko da berdel, txakolin eta sagardo dastaketa, Berdura plazan. Eguraldi txarra bada, Gudari plazan egingo da, Beharzana frontoiaren ondoan. Parrilan egingo da berdela eta horretaz Getariako Elkano Arrantzaleen Kofradiakoak arduratuko dira. Ateratzen den dirua Behar Zana pilota elkartearen alde izango da.

 

Albiste hau ATARIKIDEei esker argitaratu dezakegu. Haiei esker Tolosaldeko albisteak libre, euskaraz eta kalitatez irakurtzen dituzu. Horrela izaten jarraitzeko eman babesa Tolosaldeko Atariari eta ZU ERE IZAN ZAITEZ ATARIKIDE.

#EgitenDuzunaGara


EGIN ATARIKIDE!