Obauba Gazteak, Andoaingo udal musika eskolako abesbatzetako bat da eta Katrin Iturralderen zuzendaritzapean arituko da. Oroith Gazteak, berriz, Ordiziako abesbatza da eta Sharabani Aranzabe alkizarra edukiko du zuzendari moduan.
Oroith abesbatzak, besteak beste, Rihannaren Diamond, Xabier Sarasolak moldatutako Ilargia eta David Azurzaren Larre berrian obrak eskainiko ditu. Obauba Gazteek, berriz, Lightfooten Dona Nobis Pacem, Ken Zazpiren Itsasoa gara eta Papoulisen Oye abestuko dituzte, adibidez.
Errepertorio hori bera eskainiko dute datorren astean Zaragozan eskainiko duten emanaldian.
