Eskolako egunerokoa herrira zabaldu nahi izan zuten sei guneren bitartez: robotika, HHko giroak, matematika manipulatiboa, xakea, hizkuntza eta guraso elkartea. Ekotaloko lagunek jarritako postuan taloak egiteko aukera ere izan zuten bertara gerturatutako haurrek.
"Oso gustura gaude azoka honek emandako emaitzarekin", aipatu dute herri eskolako arduradunek. "Fleming-go komunitateak lan handia egin du egun hau antolatzen eta ikasleak ere, bikain aritu ziren". Azkenik, herritarrek emandako erantzuna azpimarratu nahi izan dute: "mila esker bertaratu zineten guztiei, larunbatekoa ikusirik esan dezakegu aurrerantzean, berriro ere elkartuko garela".