Urte hauetan, eskolako egunerokoan erabilitako metodologiak hainbat aldaketa bizi izan ditu eta Azoka Pedagogikoaren bitartez gaur egungo eskola kalera jaitsi nahi dute. Azken urteetan, lanketa handia egin dute eskolako jarduna ikasleen interesetara eta egungo errealitatera egokitzen eta berrikuntza asko dituzte erakusteko.
Eskolan egunerokoan erabiltzen dituzten proiektuak 5 gune hauetan aurkeztuko dituzte: xakea, hizkuntza, robotika, matematika manipulatiboa eta Haur Hezkuntzako guneak. Hauez gain, bertan izango dira guraso elkarteko kideak ere, eskolaz kanpoko ekintzen berri emanez eta urteurrena dela eta, betiko moduan, jasangarritasuna bermatuz, kotoi organikoz egindako azken kamiseten eskaerak jasoz. Nahi duenak bertan izango ditu erakusgaiak neurri egokia aukeratu ahal izateko. Eta azokari amaiera emateko Eko Talokoek haurrekin talo tailerra egingo dute.