Lehenengo finalerdi horretan Eneko Maiz billabonatarrak (Eneko Labakaren ordez) eta Arbizuk osatutako bikoteak Santxo eta Elizegi asteasuarraren aurka jokatuko du. Final-laurdenetan Eneko Labakak eta Arbizuk 22-4 irabazi zioten Ugalde eta Balerdiri. Bere aldetik, Santxo eta Elizegi bikoteak 22-21 irabazi zioten Arrieta eta Irazustabarrenari.
Bihar goizean jokatuko da bigarren finalerdia, leku berean, 11:00etan hasiko den jaialdian. Lehen partidan, Jon Urbieta Behar Zanako pilotariak Gipuzkoako finalaurrekoa jokatuko du buruz buru. Bigarren partidan, Exposito-Lizeaga eta Espinal-Alduntzin izango dira Antton Pebet Oroimenezkoaren finalerako txartela lortzeko lehian. Final-laurdenetan Egiguren-Telletxeak 22-11 galdu zuten Espinal eta Alduntzinen aurka. Bere aldetik, Exposito eta Lizeaga 22-18 gailendu zitzaien Murua eta Elizegiri.
Aurtengo Antton Pebet Oroimenezko txapelketaren finala abenduaren 28an jokatuko da.